Dende “Foz, Plataforma de Futuro”, logo das noticias que durante estos últimos días aparecen nos distintos medios de comunicación,acerca dos problemas que ten a factoría de Alcoa en San Ciprian, Avilés e A Coruña, e que se repiten últimamente todos estos anos ao final de ano, queren manifestar o seguinte:
O noso apoio total á plantilla desta multinacional asentada na nosa comarca e a empresa máis grande da zona. A maiores, e ante esta incertidume que sobrevoa a comarca, ós traballadores e máis á factoria, esixímoslles a todos os alcaldes da Mariña, así como a todos os partidos políticos que faigan un frente común, se senten todos xuntos e sexan unha soa voz.
Non podemos permitir que esta comarca sufra un duro revés no tema de Alcoa. Temos que esixirlle ó Goberno do Estado, e á Xunta de Galicia que non pode estar todos os anos discutindo e xogando cos postos de traballo, hai que cerrarlle definitivamente o paso a incertidumbre dos traballadores.
Tamén queremos propoñer dar un paso adiante,xa que temos a materia prima, a fábrica que podemos considerar nova,e unhas vías de comunicación que melloraron ampliamente nestes últimos anos…intentar implantar en San Ciprian unha fábrica de transformación do Aluminio. Temos que mirar cara o futuro, e o futuro ten que ser progreso non podemos permitirnos dar un paso atrais, e ano tras ano estamos vendo que Alcoa ten menos traballadores.
Isto son as consecuencias da nefasta política enerxética dos últimos gobernos, con unha legislación dictada por parte das eléctricas e un canon de ininterrumpibilidade, a pesar de que temos un sistema capaz de producir o triple do que consumimos. Estas son as consecuencias palpables da crise política que carcome os partidos tradicionais.
Isto é un problema de toda a comarca, non podemos escondernos nin andar cada un polo seu lado, a unión será a nosa arma e a forza dos traballadores.