Site icon Crónica3.com A Mariña

Lourenzá recibe a Papá Noel o martes 23 de dcembro con varias actividades para @s nen@s

Lourenzá, 19 de decembro de 2014. O Concello de Lourenzá organiza varios actos con motivo da visita de Papá Noel o vindeiro martes, día 23. Anunciouno este venres a concelleira de Educación e Cultura, Lupe Flórez Seivane.

Papá Noel comezará o seu percorrido en Lourenzá no centro de día para persoas maiores e a continuación desprazarase ás instalacións do Punto de Atención á Infancia Meniños. Para as seis da tarde está prevista a súa chegada á sala de exposicións da Casa do Concello, onde Papá Noel recibirá cunhas lambetadas a todos os nenos e nenas que se acheguen para entregarlle as súas cartas. Alí haberá tamén actividades de animación con globoflexia e maquillaxe.

Os actos con motivo da visita de Papá Noel a Lourenzá o vindeiro martes rematará coa proxección dunha película dirixida ao público infantil no salón de actos da Casa do Concello.

Exit mobile version