O PP explica que “Mondoñedo terá centro de día na residencia San Rafael”

Mondoñedo 12 de decembro de 2014.- Logo dunha xuntanza mantida entre a Conselleira de Benestar Social, Beatriz Mato, a presidenta do PP de Mondoñedo, Elena Candia, membros do Patronato do Asilo de Anciáns de Mondoñedo e representantes de Mensaxeiros da Paz, o PP local informa que a cidade mindoniense terá centro de día na residencia San Rafael.

Os populares informan que o centro contará con 60 prazas residenciais e 20 para centro de día e destacan a boa vontade da Consellería para levar a cabo o proxecto, quen, dentro das súas posibilidades, mostrou a súa total colaboración

Conclúen os populares manifestando que a Consellería aprobou o proxecto presentado e mostrou o total apoio para cubrir estas necesidades.