O mal estado do Pepe Barrera, que xa obrigara a suspender o encontro da décima cuarta xornada da Liga contra o Bertamiráns, marcou o encontro entre o Ribadeo e o Arousa que finalmente caeu da parte dos visitantes que destacaron pola súa solidez defensiva.
A 25 minutos do inicio, o colexiado expulsaba a Brais por dobre amarela. Con 10 locais no terreo de xogo, Nando aproveitou para marcar para os arousáns. Camiño marcou por partida dobre para poñer no marcador o definitivo 0-3.
Deste xeito os celestes encaixan a primeira derrota da temporada na casa e a terceira consecutiva que os coloca na undécima posición da táboa cun partido menos, a falta de disputar o encontro co Bertamiráns. Pola contra, o Arousa suma tres novos puntos que o sitúan en zona de play-off.