Unha viveirense, afortunada cos 5.290,21 euros en vales de compra en Ribadeo do sorteo da Federación de Comercio A Mariña

Ribadeo, 15 de decembro de 2014. O presidente de Acisa, Roberto Ramos, acompañado polo da Federación de Comercio A Mariña, Ramón Leivas, e polo responsable do Centro Comercial Casco Histórico de Viveiro, Ánxel Vázquez, fixo entrega dos 5.290,21 euros en vales de compra que lle tocaron a Socorro Fernández Fernández, no sorteo dos 25.000 euros da Federación de Comercio A Mariña celebrado o pasado martes.

Socorro Fernández, veciña de Viveiro, acudiu a recoller o premio acompañada do seu marido. Ambos se mostraron moi contentos. A parella volverá ó longo dos próximos días a Ribadeo para consumir os seus vales de compra antes do 24 de decembro.