Boasmigas fai entrega do premio do seu primeiro concurso de ‘selfies’

Este ‘selfie’ de grupo enviado por Mónica Verdejo foi o gañador do primeiro “Concurso de Selfies” do Boasmigas (Praza da Mariña, Burela) e recibiu o seu premio de 200 euros para consumir no local.

Boasmigas lanzou este concurso na súa páxina de Facebook desde mediados do mes de novembro ata o día de Reis. As fotografías tiñan que ser tomadas dentro ou diante do local e nela tiña que saír a persoa concursante… loxicamente para poder denominala como “selfie”. Desde a empresa apelaban á creatividade dos seus clientes para obter as fotos máis orixinais.

Todas as fotografías que se foron recibindo íanse publicándo na páxina do concurso e a gañadora sería a que máis “MeGusta” tivera recibido o día 6 de xaneiro. Esta foto premiada recibiu máis de 750 votos e convertírona na gañadora do concurso de selfies, o primeiro dos moitos concursos que Boasmigas irá celebrando ó longo deste ano.