Cinco atletas laurentinos na III Trail Afuega´l pitu ou Subida ó Monsacro

A expedición do Club de Atletismo Lourenzá formada por Martín Pardiñas, Rubén Méndez, Marcos Rguez, Marisa Ares e Loli Piñeiro desprazouse ata Foz de Morcín en Asturias, para participar no III Trail Afuega´l pitu (Subida al Monsacro) este domingo.

Esta dura proba contaba cunha distancia de 10km e 1.500m de desnivel onde os atletas laurentinos conseguiron meritorios resultados. Martín acadou o 14º posto da xeral cun tempo de 1hora e 21minutos. Rubén entrou no posto 133º cun tempo de 2 horas e 5 minutos; mentres que Marcos e Marisa remataron a proba nos postos 154º e 155º cun tempo de 2 horas e 30 min. Loli necesitou 2h 39 minutos para acadar o posto 159º dun total de 200 participantes.