O vindeiro mércores 28 de xaneiro o colectivo viveirense PENSAMENTO E SEMENTEIRA inaugura o ciclo: “Cine árabe para o mundo” dedicado a Palestina, desta volta.
Nesta primeira sesión serán dúas películas, o documental “Eu son Gaza” ( Xordania, 2009) da directora Asma Beseiso e a curta palestina “Os nenos de Ibdaa” de S. Smith Patrick.
Máis proxeccións
O mércores 11 de febreiro será a quenda de “This is my land Hebron” e “Gaza-Londres”. Pola súa banda, o mércores 25 de febreiro será a quenda de “Jenin, Jenin” e “Lesh Sabreen?”; mentres que pechan o ciclo “Shooting Muhammad” e Swesh, swesh” o mércores 11 de marzo.
As proxeccións darán comenzo ás oito da tarde no salón de actos do IES María Sarmiento, en Viveiro. A entrada é libre até completar o aforo.