O rexedor municipal explicou que “hoxe pola mañá reunímonos con representantes do colectivo xitano de Burela nun encontro que serviu para intercambiar distintos puntos de vista sobre a situación do noso concello e sobre a problemática que este colectivo ten. Foi unha reunión cordial que se enmarca dentro das xuntanzas que o equipo de goberno ten con distintos tipos de colectivos, de cara a buscar unha maior e mellor integración de tódalas persoas que viven aquí en Burela, buscando evidentemente un maior grado de convivencia”.
Barcia aclarou que “neste sentido, dende o Concello recibimos positivamente a colaboración do colectivo xitano, xa que eles tamén están interesados en que a convivencia en Burela siga a ser coma ven sendo ata o de agora. Eles aquí están contentos e por parte do Concello o único que lles dixemos é que imos manter a liña de traballo que vimos mantendo ata agora con respecto aos demais colectivos. Contarán coa nosa colaboración, sempre e cando haxa medios para facelo posible”.