María Loureiro García, Alcaldesa do Concello de Viveiro, informa que con data 19 xaneiro de 2015 publicouse no Diario Oficial de Galicia a resolución pola que se convocan, na anualidade 2015 con financiamento plurianual, as subvención do programa de axuda ao alugamento de vivenda do Plan estatal de fomento do alugamento de vivendas, a rehabilitación edificatoria e a rexeneración e renovación urbanas 2013-2016.
Durante o prazo establecido para solicitar estas axudas, que rematou o pasado 19 de febreiro, a Oficina de Rehabilitación do Casco Antigo de Viveiro tramitou 95 solicitudes de subvención. A maior parte corresponden a veciños de Viveiro –un total de 85-, aínda que tamén houbo veciños dos concellos próximos que se achegaron á oficina deste municipio para buscar información, asesoramento e axuda, presentándose a través da Ventanilla Única de Vivenda do Concello de Viveiro 4 solicitudes do Vicedo, 3 de Xove, 1 de Mañón, 1 de Ourol e 1 de Cervo.
Debe entenderse que isto é unha mostra inequívoca do bo facer realizado dende a oficina e da valía e importancia deste servizo que se presta no Concello de Viveiro.