Tras as recentes novidades fiscais que afectan ás asociacións, xa sexan deportivas, culturais, de nais e pais de alumnos, clubs deportivos, etc., o despacho de Asesoría Fiscal e Contable TORRES quere informar a aquelas entidades afectadas de que a partires do 1 de xaneiro de 2015 están obrigadas a declarar no Imposto sobre Sociedades as rendas exentas e non exentas que obteñan. Dito imposto deberá presentarse en xullo do 2016.
Ademais, ditas entidades terán que presentar neste mes de febreiro a declaración informativa polas adquisicións de bens e servizos que no ano 2014 superasen no seu conxunto os 3.005,06 euros, incluíndo as subvencións recibidas das diferentes Administracións.
A Asesoría TORRES, sita na Avenida de Galicia 13 Baixo de Ribadeo, integrada por varios economistas e cunha longa traxectoria profesional, pon os seus servicios a disposición de todos aqueles interesados en obter maior información ou que desexen cumprir coas súas obrigas fiscais.