O alcalde de Cervo, Alfonso Villares e a edil de Cultura, Begoña Alonso, participaron no acto de entrega ao que acudiron tamén as persoas solicitantes. Unha medida coa que o Concello pretende potenciar as pequenas plantacións domésticas apostando especialmente polas especies autóctonas.
De feito, esta é unha iniciativa complementaria ao programa de reforestación con especies autóctonas que está levando a cabo o Concello en terreos municipais, como os do Monte de Escarabelada no Conxunto Histórico Artístico de Sargadelos, e colaborando coas asociacións de montes comunais. De feito, nestes anos fixéronse plantacións con especies propias da zona en 17 hectáreas de terreo.
Con este programa “queremos extender nuestro compromiso con el medio ambiente y con la protección de nuestro entorno natural también a las familias y las plantaciones domésticas” asegura Alonso. Ao mesmo tempo a edil aproveitou para agradecer aos veciños a súa participación nesta iniciativa.