O xoves 12 de febreiro o programa “Parolando” da Radio Burela organizou un multitudinario coloquio con xente das comparsas do Carnaval na Mariña Central. Estiveron representadas Os Macanudos (de Barreiros), O Mellor de cada Casa (de Burela), Sen Xeito e Farangullas (de Foz), Ruxe Ruxe (de Vilaronte) e os máis novos, Os Fandangueiros (de Alfoz). Durante hora e medio falaron dalgúns temas polémicos; pero, sobre todo, da alegría e o compañeirismo que xeran estas festas do Carnaval.
