Vanse clarexando un pouco as cousas na categoría sénior masculina onde Rafael segue arañando puntos ó seu rival. Agora Arturo Vigo está a 9 puntos do líder; polo que, a falta de 3 tiradas para rematar a Liga, fai que non se poida permitir ningún erro.
Por detrás ven apurando o vixente campión, que grazas a unha segunda volta moi competitiva, está a consolidar a terceira posición. Neste sentido, Álex aínda podería alcanzar matematicamente ós líderes, pero a realidade é outra, e terase que dedicar nas probas restantes a consolidar esa terceira praza á que aínda teñen opcións un bo número de xogadores.
Liga Sénior Feminina
Grazas á súa vitoria, Belén Meitín consegue ampliar a súa vantaxe a 5 e 6 puntos de Carmen e Salomé respectivamente. Aínda que parecen poucos, xa se trata dun bo colchón de puntos, dado que son elas tres normalmente as que copan os tres primeiros postos, e os recortes de puntos entre elas acostuman ser menores.
Polo tanto, para as tres tiradas que quedan, Carmen Roca e Salomé Cardoso terán que espabilar se aínda queren gañar. E, pola súa banda, a Belén chégalle con manter as distancias.
Liga Sub 16
Como estaba previsto, Daniel Alonso proclamouse campión matematicamente desta décimo quinta Liga Sub 16. A súa vitoria (10ª nesta temporada) fai que con 88 puntos xa sexa inalcanzable. A verdade é que mostrou unha superioridade moi grande durante toda a temporada. A mellora que experimentou no seu xogo con respecto á pasada campaña, foi sencillamente espectacular. É, sen dúbida, un xogador de futuro, destinado a dar grandes tardes a este deporte. En Daniel conxúntanse un físico poderoso e unha gran fortaleza mental; e, se a isto lle sumamos unha gran ambición deportiva, temos tódolos ingredientes para augurarlle un gran futuro deportivo.
O segundo posto no escalafón tamén está decidido; Miguel López xa é tamén subcampión. A comezos de temporada parecía que lle ía dar máis guerra a Daniel; pero durante a campaña tivo moitos altibaixos, con grandes actuacións e mediocres tiradas. Aínda así, ten unhas grandes condicións para este deporte e, loxicamente, moito marxe de mellora. Nesta temporada estivo un escalón por debaixo de Daniel, pero se traballa duro e mellora o aspecto mental do seu xogo, non desanimándose, pode estar perfectamente á altura de Daniel.
Por último, queda por decidir o terceiro posto no podio final. Para este escalón temos a Julia López con 30 puntos e a Hugo Pérez con 25. Parte con vantaxe Julia, pero aínda quedan bastantes puntos por disputar e Hugo aínda lle pode dar unha sorpresa.
A vindeira tirada vaise celebrar Centro Social de Vilachá o vidneiro sábado 21 de febreiro de 2015.
CAMPIONATO DE BOLOS DE CENTRO SOCIAL DE A VARA (7 FEBREIRO 2015) 17 INSCRITOS: NA LIGA SENIOR, 6 NA LIGA SUB 16 E 9 NA LIGA FEMININA | |||
CLASIFICACIóN | NOME | TANTOS | PUNTOS |
LIGA SÉNIOR | |||
PRIMEIRO | ALEX MEITÍN SERANTES | 282 | 12 |
SEGUNDO | MARCELINO RODRÍGUEZ ÁLVAREZ | 266 | 10 |
TERCEIRO | MOISÉS RODRÍGUEZ CASABELLA | 258 | 8 |
CUARTO | JORDI MEITÍN SERANTES | 256 | 7 |
QUINTO | SÓCRATES CAMPO SUÁREZ | 252 | 6 |
SEXTO | JOSÉ RAFAEL GONZÁLEZ BERMÚDEZ | 249 | 5 |
SÉTIMO | C. JAVIER RODRÍGUEZ CASABELLA | 241 | 4 |
OITAVO | ARTURO VIGO CASABELLA | 223 | 3 |
NOVENO | FRANCISCO PÉREZ GONZÁLEZ | 218 | 2 |
DÉCIMO | LUIS RANCAÑO BOUSO | 209 | 1 |
MELLOR BOLADA | C. JAVIER RODRÍGUEZ CASABELLA | 83 | 1 |
LIGA SUB 16 | |||
PRMEIRO | DANIEL ALONSO LÓPEZ | 208 | 6 |
SEGUNDO | MIGUEL LÓPEZ FORMOSO | 164 | 4 |
TERCEIRO | JULIA LÓPEZ FORMOSO | 110 | 3 |
CUARTO | JAVIER ALONSO LÓPEZ | 92 | 2 |
QUINTO | HUGO PÉREZ MEITÍN | 70 | 1 |
MELLOR BOLADA | MIGUEL LÓPEZ FORMOSO | 65 | 1 |
LIGA FEMININA | |||
PRMEIRO | BELÉN MEITÍN ROUCO | 184 | 6 |
SEGUNDO | CARMEN ROCA CORRAL | 166 | 4 |
TERCEIRO | SALOMÉ BERMÚDEZ BEN | 160 | 3 |
CUARTO | SALOMÉ CARDOSO RODRÍGUEZ | 126 | 2 |
QUINTO | ELISA LÓPEZ BASANTA | 46 | 1 |
MELLOR BOLADA | SALOMÉ LÓPEZ CARDOSO | 62 | 1 |