Burela, 18 de febreiro de 2015.- O presidente do CD Burela FS Pescados Rubén, Manuel Blanco, e a gardameta laranxa Jozi visitaron Hipermóvil, en Burela (Camiño Real, 49), para agradecer o compromiso que o establecemento adquiriu esta tempada co patrocinio individual da internacional brasileira, pentacampioa do mundo.
Grande afeccionado ao fútbol sala e asiduo de Vista Alegre dende hai tempadas, o xerente do negocio de accesorios e recambios automóbiles, Rubén Varela Ordóñez, recibiu de mans de Manuel Blanco e Jozi un cadro conmemorativo da colaboración de Hipermóvil coa filosofía laranxa en 2014-15.
