O sábado 7 de febreiro celebrouse en Alfoz a III Gala Benéfica para Cáritas, organizada polo Grupo Humorístico Trípode. O Salón de Actos da Casa da Cultura encheu todo o seu aforo, arredor de 100 espectadores. A recadación final rondou os 500 euros. En primeiro lugar actuou o grupo de acordeóns do Conservatorio de Viveiro, dirixidos polo profesor Lino Rico, e a continuación o Grupo Humorístico Trípode representou a súa última obra titulada “Apedreando”.
