O Club Deportivo Burela FS Pescados Rubén representado polo seu presidente, Manuel Blanco Fanego, quixo agradecer a confianza e colaboración do Mesón do Poeta coa entidade burelesa. O máximo dirixente laranxa acompañado das xogadoras Maite, Tainã e Gaby, apadriñadas esta tempada polo Mesón do Poeta, galardoaron ao emblemático restaurante burelés cun cadro con imaxes das xogadoras e de Uxía, actual responsable do Mesón do Poeta xunto ao seu marido Toño que recolleron a testemuña na dirección do restaurante familiar. O carismático restaurante e hostal foi dirixido durante décadas polos pais de Uxía; a incombustible e alegre Salomé e o entrañable “Poeta”.
O Mesón do Poeta sempre se brindou a calquera iniciativa de apoio ao CD Burela FS Pescados Rubén. Ademais dos ánimos de alento que en cada xornada Salomé e familia regalan en Vista Alegre, o Mesón do Poeta patrocina esta tempada ás xogadoras Maite, capitá laranxa, e ás brasileiras Gaby e Tainã.
