O PP de Viveiro reunirase cos veciños de San Pedro, Valcarría e Landrove, este venres 13 de febreiro a partires das 20.00 horas na Escola de San Pedro . A esta reunión están convidados todos os veciños destas parroquias que desexen trasladar suxerencias, ideas ou necesidades que poidan ser incorporadas ó programa electoral das vindeiras eleccións municipais.
Con esta reunión o PP continúa coa serie de reunións que, ó longo dos meses de febreiro e marzo, manterá por todas as parroquias do Concello, ao obxecto de saber de primeira man as necesidades reais dos veciños.