O concelleiro de Emprego, José Casas, sinalou que “hoxe remata o obradoiro de emprego Sendas de Burela, Cervo e Xove II. No noso caso tivemos durante seis meses a sete alumn@s e a un monitor nun módulo de pintura. A achega da Xunta para Burela ascendeu a 70.000 euros, que se destinaron a financiar os salarios dos alumnos e do monitor e tamén á compra dos materiais empregados”.
Manuel Fernández Valle, concelleiro de Obras, explicou que “o traballo realizado pol@s alumn@s deste obradoiro é importante. Pintaron dependencias municipais e repasaron a sinalización horizontal nas rúas. É un traballo que valoramos de xeito moi positivo desde o Concello e tamén valoramos moi positivamente a formación destas sete persoas que obteñen un título acreditativo de ter realizado o obradoiro e obteñen tamén o certificado de profesionalidade”.