Uns 40 nenos e nenas de 1º e 2º de Primaria do Colexio Pedro Caselles de Xove, acompañados dos seus profesores, realizaron unha visita ó Concello. O martes visitaron varias parroquias, aínda que foi unha visita curta debido ó mal tempo. Na Casa Consistorial foron recibidos no Salón de Plenos polo alcalde, Demetrio Salgueiro, quen durante un bo rato lles explicou o funcionamento da institución e respostou ás numerosísimas e incisivas preguntas realizadas polos nenos e nenas.
