A OMIX de O Vicedo (Oficina Municipal de Información Xuvenil) organiza este venres 13 de febreiro de 2015 unha actividade dirixida ós xóvenes do municipio maiores de 14 anos consistente na combinación de xogos de mesa e música. Habilitarase un espazo para xogos de mesa como o Scattergories, Tabú, Party & Co, Monopoly, Scrabble, poker, etc. Ó mesmo tempo haberá a posibilidade de “pinchar” a música favorita habilitando turnos de Dj para amenizar a xornada. Será o venres 13 de febreiro a partir das 21.30 horas.