O martes 3 de marzo o alumnado de 4º de ESO do IES Alfoz-Valadouro gravou un programa radiofónico para denunciar a mortalidade infantil en países subdesenvoltos e a desnutrición en España. O entrevistado foi o médico Pedro Reimunde, natural de Alfoz e cooperante en países como Camerún ou Guinea-Bissau. Esta actividade forma parte do programa ‘O mundo que queremos’, proxecto de educación para o desenvolvemento que forma parte da Plataforma de Innovación Educativa Plan Proxecta, promovido pola Consellería de Educación.
