Ribadeo, 5 de marzo de 2015. Acisa pon en marcha unha nova edición do concurso fotográfico do día do pai. En total a asociación repartirá 600 euros en premios.
Desde a directiva sinalan que “para participar existen dúas modalidades: redes sociais e vía postal, deste xeito ningunha persoa quedará excluída do concurso. As imaxes deben representar a temática do concurso, que é a celebración do día do pai”.
Acisa explica que “haberá dúas categorías: premio do público, que será aquela imaxe que reciba máis votos a través de facebook e o premio do xurado, que será o que decidan varios membros da directiva de Acisa e profesionais da fotografía. A organización resérvase o dereito de aceptar as obras segundo axústense ou non á temática suscitada e a uns criterios de calidade técnica mínimos”. Haberá 1 premio de 100 euros, 2 premios de 150 euros cada un e 1 premio de 200 euros.
O prazo de recepción de fotos está aberto ata o próximo 19 de marzo. As bases do concurso pódense recoller nas oficinas de Acisa, na avenida de Galicia, 20 -2º planta e no facebook de Acisa.
A Asociación de Comerciantes, Industriais, Servizos e Autónomos anima “a participar neste concurso que se foi consolidando aos poucos entre as iniciativas que Acisa organiza ao longo do ano”.