Os destinatarios desta actividade serán rapaces e rapazas de 7 a 17 anos e entre outras cousas disfrutarán realizando deportes tradicionais, rotas de sendeirismo, xogos ao aire libre e tamén aprenderán a cociñar, a convivir con outras persoas e diversas cancións/actividades que se fagan nas veladas e será unha excelente oportunidade para coñecer a actividade agraria e gandeira da zona.
O prezo da actividade será de 50€ para soci@s e de 75€ para non soci@s (inclúe a cota do mes de abril para quen queira continuar na asociación).
A reunión informativa será o 22 de marzo ás 20.00 horas nos respectivos locais de cada grupo:
Chao de Castro-Altair na rúa do Río número 10 en Burela.
Sete Portas-Altair na rúa Salvadas número 22 en Santiago de Compostela.
Colaboran a Consellería de Servizos Sociais e o Concello de Burela, o Concello de Lourenzá e a Área de Cultura da Deputación de Lugo.