Como cada ano, e xa van máis de 30, os compañeiros da quenda A da planta da Alúmina de San Cibrao, reuníronse na súa comida anual. O que empezou sendo unha comida da brigada de Quenda no Mesón do Poeta alá polos anos 80, aos poucos foise convertendo no que é hoxe en día: unha cita multitudinaria de camaradería e amizade dos compoñentes desta quenda da planta alumineira. Este ano asistiron 80 comensais, algúns chegados dende Vigo ou Asturias, que deron boa conta dun saboroso cocido no restaurante Bellavista da Península da Paz. Non faltou o recordo para algúns dos fundadores do grupo como Argüelles ou San José, así coma a un dos máis ilustres compoñentes da peña, neste caso Iglesias, que por problemas de saúde non puido asistir.
