Como vén sendo tradicional, o primeiro Venres do mes de marzo, celébrase o día das Tres Gracias na capela da Misericordia de Viveiro onde se venera a imaxe do Santo Ecce-Homo. Desde primeiras horas da mañá e ata a noite, miles de fieis visitarán a capela para formular as Tres Gracias ou tres desexos dos que só un se cumprirá, segundo a tradición. Así mesmo, os devotos poñen o Santo e escoitan a Santa Misa. A primeira misa celebrarase pola mañá a partir das 09.00 horas e as seguintes ás 12.00, ás 17.00 horas, 18.30 horas e a Solemne ás 21.00 horas.