Este sábado, ás 7 da tarde no Pavillón de Deportes do Centro Cívico, a Asociación Cultural Saiñas de Xove organiza o VIIº Festival Infantil de Semana Santa. No mesmo van participar os seguintes grupos ou agrupacións: “Amigos da Gaita” de Ribadeo, “A Subela” de Foz e “Saíñas” de Xove. A organización corre a cargo da Asociación, contándose para este evento coa colaboración do Concello de Xove. A entrada é totalmente libre e gratuíta.
