No IV Campionato de tute participaron dez parellas. O campionato comezou no mes de outubro e rematou a finais de marzo, xa que este ano foi a ida e volta. As tres parellas con mellor puntuación levaron un trofeo e repartíronse do seguinte xeito: o terceiro premio para Abelardo Lestegás e Ramón Fanego (recolleu o premio o fillo); os segundos clasificados foron Manolo Otero e Suso Teijeira; os campións desta cuarta edición foron Manolo de Torres e Eladio Rúa.
Por outra banda, na cuarta edición do campionato de parchís, foron once as parellas que se inscribiron. As partidas comezaron no mes de xaneiro e remataron a finais de marzo. As parellas premiadas foron as seguintes: terceira parella clasificada, Cándida Díaz e Marina Díaz (recolle o premio Geni, a filla); segundas clasificadas, Elena Lamela e Fátima Lozano; os campións desta edición do parchís foron Miguel Díaz e María Díaz.
Dende Burgo de Trasbar agradecen a participación de todas as parellas que participaron nesta edición “e convidamos á xente a participar nos vindeiros campionatos, así como no resto das actividades que organizamos”.