Baixo á dirección de David Ballester Martínez, na banda debutaron Antía Gómez Alonso (frauta), Saleta Martínez Tella (clarinete), Daniel Fernández Belmar (trombón), Julia García Ríos (clarinete) e Santiago de Rivera Parga (clarinete). E houbo dúas reincorporacións de músicas que xa estiveran na formación anteriormente: Visitación Docobo López (trompa) e Aurora Fernández Peña (trombón).
No concerto deste mércores a banda ribadense interpretou oito pezas propias destas datas, entre elas Cristo de la Agonía, Jerusalen, Adagio Veneziano, The Young Maria ou Jesucristo Superstar.
O próximo concerto da Banda de Música Municipal de Ribadeo será o sábado 30 de maio ás 20.30 horas no Cine Teatro para conmemorar o Día das Letras Galegas.