Trinketrinke Teatro achega un contacontos teatral dirixido a nenos e nenas de Infantil e Primaria protagonizado polos ratos da Biblioteca ó Vicedo. “Aventuras na cociña” terá lugar o mércores 15 de abril a partir das 17.30 horas na Casa da Cultura. E, pola súa banda, MAUMARELA organiza o obradoiro “Crea fósiles de dinosaurios” o mércores 22 de abril a partir das cinco e media na Casa da Cultura do Vicedo dirixido a maiores de 4 anos. O Karaoke de primavera celebrarase o venres 17 de abril a partir das 22.00 horas na Casa da Cultura. Neste caso, a actividade diríxise a maiores de 14 anos.