O público asistente abarrotou o sábado 18 a sala da planta baixa da Biblioteca Municipal de Viveiro para participar na interesante tertulia arredor de San Miguel da Coelleira e a vila asulagada de Estabañón. O aforo resultou insuficiente. A fotografía mostra o aspecto da sala antes de dar comezo ao acto. O noso colectivo agradece a participación de todas as persoas que asistiron ao acto —algunhas delas tiveron que facelo de pé e na entrada da sala— e moi especialmente a dous dos convidados á tertulia: Manuel Miranda e Manuel Gago.
