Os Sendeiros de Foz disfrutaron de dúas fermosas rutas de sendeirismo polas terras do municipio de Foz. O venres 3 de abril percorreron a ruta das capelas de algo máis de 14 km e o sábado 4 outra á que lle chamaron a ruta dos Nazarenos de algo máis de 16 km. Con estas dúas rutas un alto número de participantes saíron de Foz e visitaron Mañente, Vilaronte, Sanmartiño, O Bispo Santo, Vilaxoane, Fazouro e Forxán ata rematar na ruta das tapas no porto de foz e no paseo da praia da Rapadoira. A próxima ruta prevista desenvolverase o domingo 19 deste mes. Será no Encontro de Sendeirismo en Pol. O prezo de inscrición é de 20 euros coa comida incluída.
