Éxito do III Open Semana Santa Gráficas Ribadeo de pádel

Ribadeo, 6 de abril de 2015. Éxito de participación e de público no III Open Semana Santa Gráficas Ribadeo de pádel, que se celebrou durante os últimos días nas instalacións de Pádel Club Ribadeo e que reuniu a 175 xogadores en catro categorías.

En 1ª masculina os gañadores foron Pibe/Borja de Lugo, os subcampións foron Fidel/Miguel de Lugo e o terceiro posto levouno a parella local formada por Josiño/Felipe.

En 2ª masculina os gañadores foron Lito/Luís, o segundo posto foi para Buckles/Elías e o terceiro para Sufuentes/Marcos.

En mixto os gañadores foron Patxi/Bea, o segundo posto foi para Luisete/Goretty e o terceiro para Felipe/Mayte.

E en feminino alzáronse gañadoras Alicerce/Alba, o segundo posto foi para Gema/Lara e o terceiro para Bea/Goretty.

En total entregáronse 2.000 euros en material deportivo e 600 euros en metálico. Ademais sorteouse diverso material deportivo entre os presentes.

Os organizadores valoran de forma positiva “a acollida que tivo este III Open Semana Santa, que xa está consolidado nas nosas instalacións e que cada vez conta con máis xogadores e con máis público disposto a pasalo ben e a vibrar cos partidos”.