Burela, 17 de abril de 2015. O vindeiro venres, 24 de abril, terá lugar a estrea da curtametraxe Cara a cara. Será a partir das 20.30 horas no auditorio da Casa da Cultura.
Dende a Concellería de Servizos Sociais, Muller, Igualdade e Sanidade explican que “no mes de novembro púxose a andar un proxecto do cal agora estamos a recoller os seus froitos. O 5 de novembro convocamos aos mozos e mozas de Burela para participar nun proxecto de prevención contra a violencia de xénero. Tratábase dun casting para a posterior gravación dunha curtametraxe. E esa curtametraxe será a que se estree o vindeiro 24 de abril”.
A Concellería de Igualdade enviou cartas informativas a todas as asociacións de Burela convidándoas a asistir a esta proxección.