O evento iniciarase cun aperitivo e despois farase entrega dos premios á ribadense do ano e á socia honorífica, que neste 2015 recaeron en Saribel Suárez Rodríguez e en Valentina Fernández Fernández. No acto, que estará conducido e amenizado polo cómico Víctor Grande, intervirán a directora xeral de Comercio da Xunta, Sol Vázquez, o alcalde de Ribadeo, Fernando Suárez, e o presidente de Acisa, Francisco Iriarte. Trala entrega de premios dará comezo a cea.
Á IV Gala de Acisa asistirán, entre outros, o presidente da Mancomunidade de Municipios da Mariña, Alfonso Fonte; así como representantes dos partidos políticos que forman parte da Corporación Municipal de Ribadeo.