Sentímonos por tanto arroupados polos veciños que estiveron con nos para escoitar e aclarar mediante o diálogo cos nosos candidatos o programa do Partido Socialista e recoller de primeira man as queixas que consideraron oportunas.
Entendemos con claridade as queixas que nos fixeron chegar os veciños que teñen acceso a súa vivenda por esta praza, expresando con claridade como non foron escoitados cando se fixo a reforma polo actual equipo de goberno.
Entenderon con facilidade a distinta forma de gobernar dos socialistas o antepoñer o diálogo e o consenso ante as reformas que afecten á normal convivencia cidadá. Por iso, alí mesmo na praza, comprometémonos a reordenar a Praza Pardo de Cela e convertela, mediante o consenso, nun lugar comercial e de lecer agradable para os veciños.
O mesmo nos comprometemos por escrito debidamente firmado, polo noso secretario Xeral e o noso Candidato a alcaldía de Foz, cos veciños da Praza Conde Fontao para reordenar o tráfico rodado que afecta ós residentes, e que poidan facer carga e descarga de mercadorías ou persoas cos seus propios medios ou calquera dos medios de transportes autorizados.
Así pois, unha vez máis, os socialistas de Foz demostramos mediante o diálogo que o compromiso socialista está pensado por e para os veciños desde unha forma distinta de gobernar.
Jaime Cancio, candidato do PSOE de Foz.