Dous nenos e dúas nenas son os gañadores do I Concurso de Debuxo convocado por Acisa para celebrar o Día da Nai

Ribadeo, 5 de maio de 2015.- Na tarde deste martes déronse a coñecer os nomes dos gañadores do I Concurso de Debuxo, convocado por Acisa Ribadeo, para celebrar o día da nai. Na categoría de 3 a 6 anos o primeiro premio foi para Fernando Ribes Zornosa de 4 anos e o segundo premio para Antón Refojo de 3 anos. E na categoría de 7 a 12 anos o primeiro premio foi para Andrea Rodríguez Rodríguez de 8 anos e o segundo premio para Ariadna de 7 anos.

O encargado de supervisar os traballos e de decidir os gañadores foi o xurado composto por profesores de plástica dos CEIP Gregorio Sanz e Sagrado Corazón, e polo deseñador David Ribas Peña.

Acisa entregará nos próximos días diplomas de recoñecemento aos 4 nenos premiados e as mamás dos gañadores gozarán de bonos beleza en dous centros asociados a Acisa: Imagn 365 e Perruquería Carmen.

A directiva de Acisa agradece “a todos os nenos e nenas os traballos presentados a este concurso e ao xurado a súa participación para elixir os debuxos gañadores”.