Lugo, 2 de maio de 2015.- O interese xerado polo III Congreso de Cultura Dixital e Redes Sociais #INLUGO, que se celebrará os días 8 e 9 de maio, cumpriu coa tradicional tendenza de esgotar a totalidade das entradas dispoñibles. As 200 prazas dispoñibles, xa que ese é o aforo límite do Salón de Actos do Pazo de San Marcos, esgotáronse en pouco tempo, ao igual que ocorreu nas dúas edicións anteriores.
En todo caso, o evento poderá ser seguido en directo desde calquera parte do mundo a través da rede, grazas á emisión en streaming facilitada pola Fundación TIC. Do mesmo xeito que no caso da modalidade presencial, esta opción será totalmente gratuíta. Ademais, ofrecerase cumprida información a través das contas oficiais do congreso nas distintas redes sociais.
#INLUGO xa é unha cita de referencia no que se refire a cultura dixital. Nesta terceira edición contará con relatores destacados como Ignacio Escolar, director de eldiario.es; Núria Padrós, directora xeral de Ogilvy PR Barcelona; Diana Morales, Social Media Strategist de Telefónica; ou Alejandro Touriño, avogado especializado en Dereito e Redes Sociais.
Máis información en www.deputacionlugo.gal e www.inlugo.com