Alfoz, 17 de maio de 2015.- Este domingo, 17 de maio, a Asociación Cultural O Castelo de Alfoz organizou un acto para celebrar o Día das Letras Galegas. O Salón de Actos da Casa da Cultura de Alfoz rexistrou un cheo total para escoitar a conferencia de Lionel Rexes sobre Filgueira Valverde, ver as actividades infantís que organizou a animadora Susana Álvarez, asistir á estrea da obra “Madia leva”, de Raiolas, estar presente na entrega de premios do Certame Literario “Trulasqui” ou escoitar as catro cancións galegas que interpretou a Coral de Ferreira do Valadouro.
