O PSdeG-PSOE de Foz, a través do noso candidato Jaime Cancio, fai pública a falla de principios democráticos do Alcalde de Foz e o seu equipo de goberno por non facilitar locais para mitins electorais en todos os barrios de Foz a pesares de que foron ofrecidos oportunamente con total dispoñibilidade.
“Estamos a falar da marxinación a que somete o Alcalde do PP os veciños de Vilaxoane por non incluír o salón de actos de Instituto, como sempre se fixo, como local autorizado para que todos os partidos poidan falar con iles e explicarlles o seu programa en campaña electoral”, critica Jaime Cancio.
“A pesares de estas malas prácticas do Alcalde de Foz, os socialistas convocamos a una xuntanza informativa os veciños de Vilaxoane para explicarlles estes aconteceres contrarios a todos os principios democráticos e dereitos de reunión”.
Esta xuntanza veciñal celebrarase o vindeiro xoves 7 de maio ás 20.30 horas no SALÓN DE ACTOS DO INSTITUTO para conversar cos veciños e veciñas, informalos, escoitalos e coñecer as súas inquietudes e problemas relacionados coas necesidades do barrio.