O PSdeG-PSOE de Foz, a través do candidato á alcaldía, Jaime Cancio denuncia “a falta de capacidade do goberno local do PP de Foz para defender os intereses turísticos do noso pobo durante todo o ano2.
“Foz é unha localidade turística por excelencia”, asegura Cancio, “e lamentablemente nótase que a falta de xestión e iniciativa do Alcalde e o seu equipo de goberno lles impide darse conta de que a pasada ponte de maio Foz tivo a visita de moitos turistas e que se encontraron coa Oficina de Turismo pechada”, engade.
Por iso, cremos que “é de bastante mal gusto visitar unha localidade turística como é Foz e non ter onde informarse dos puntos de interese turístico como a Basílica de San Martiño, o Castro de Fazouro, a Frouxeira ou da mesma praia da Rapadoira”.
En consecuencia, os socialistas de Foz expoñen diante da opinión dos veciños “a urxente necesidade de abrir a Oficina de Turismo tódolos días do ano e de non facelo consideramos que o Sr. Alcalde e o seu equipo son os responsables dos perxuicios que na economía local xenera este abandono impropio dun concello turístico”.
Jaime Cancio, candidato do PSOE de Foz.