Máis de 380 padexeiros procedentes de clubs de toda España daranse cita no encoro asturiano para dilucidar os que serán os novos Campións de España da presente tempada 2015. Ademais dos 4 padexeiros que representarán ao club Kayak de Foz, outros 7 rapaces e rapazas do Altruán de Ribadeo, CD San Cibrao e dos dous clubs de Lugo, o Fluvial e o Cidade de Lugo compoñerán a representación lucense neste Campionato de España.
A cita, organizada pola Real Federación Española de Piragüismo, é talismán para o Club Kayak de Foz pois nestas mesmas instalacións, hai un ano, Xoel García Neira se alzaba co título de Campión de España Infantil B nos 3000 metros.
A primeira saída, ás 9:30 horas, será para as Mulleres Infantil B K1 e na que o Kayak estará representado por: PAOLA GARCÍA NEIRA, número 31 e NAILA GARCÍA NEIRA co número 39.
Tras un in-pass dunha hora na que se disputarán as regatas correspondentes ás rapazas infantís C1, ás 10:30 será a quenda dos Homes Infantil B K1, regata na que o Club Kaiak estará representado por FRANCISCO LOURO PACIOS, co número 131.
A última participación do Kayak de Foz será ás 12:30 horas na regata estrela do día, a de Hombres Infantil A K1. Nesta regata participará o padexeiro XOEL GARCÍA NEIRA, co número número 283.