Burela, 8 de maio de 2015.- O equipo de goberno súmase á iniciativa de Mujeres en Igualdad Burela e secundará a concentración convocada para mañá, sábado, ás 12 do mediodía coma sinal de repulsa á violencia de xénero e concretamente ao último asasinato cometido en Ourense.
Desde o equipo de goberno lembran que “nos caracterizamos por estar sempre pendentes das vítimas e loitando contra esta lacra”. E subliñan que “estamos a realizar os últimos trámites para a posta en marcha da vivenda de acollida a mulleres vítimas de malos tratos ou que se atopen en situación de exclusión social”.