Burela, 1 de maio de 2015.- Iniciando un mes dedicado á política, no programa de Parolando do 30 de abril reunimos ós partidos independentes que se presentan ás eleccións municipais do vindeiro 24 de maio na zona da Mariña. Estiveron connosco Luís Alfonso Sixto e Juan Riveiro (de Foz Plataforma de Futuro), Xabier Pardiñas (de Veciños Independentes de Alfoz) e Maví Louro e Mario Penelo (de Ribadeo en Común). Só faltou á cita o partido Son Viveiro, que se desculpou alegando as moitas ocupacións que teñen por estas datas na preparación das vindeiras eleccións municipais. No programa cada partido falou un pouco do seu programa e logo dialogaron sobre as vantaxes e inconvenientes que teñen os partidos independentes, que non están condicionados polas directrices dos grandes partidos, pero que tampouco contan co seu apoio.
O programa pódese escoitar na seguinte ligazón: http://www.ustream.tv/recorded/61731167
