Un ouro e tres bronces acadaron os atletas do C.D. Egovarros-Viveiro no Campionato Galego de 5 km en Ruta

Viveiro, 14 de maio de 2015.- O pasado domingo celebrouse na localidade da Estrada, o Campionato Galego de 5 km en ruta, organizado pola Federación Galega de Atletismo. Cunha participación de máis de 200 atletas, de todos os clubes galegos e nun circuíto ó que lle tiveron que dar duas voltas para completar os 5000 metros.

O clube viveirense desplazou a 12 atletas, acadando 4 medallas. No apartado femenino, a medalla de bronce foi para Begoña de Arriba en categoría W 55. No apartado masculino, medalla de ouro para Antonio Cabana en M75, que fixo un tempo de 23 minutos e 35 segundos; as outras medallas foron acadadas por: Jose Angel López, que acadou o bronce en M40 e Luis Miguel García, que tamén foi medalla de bronce na categoría M60.