O disco titulado “Dende a beira do Masma” foi presentado este xoves no Centro Comarcal de Mondoñedo coa participación de Antonio Reigosa, cronista oficial de Mondoñedo; Alfredo Llano, en representación da Deputación provincial de Lugo; Xan Carballal, autor da música e Xusto Fernández Haro, concelleiro de cultura do Concello de Mondoñedo. O acto tivo unha gran concurrencia de público que encheu totalmente a sala e que ó remate do acto recibiu como agasallo un exemplar do disco presentado.
