Rocio López comentou que “tivo un éxito rotundo cunha afluencia masiva de veciños e veciñas non só de Lourenzá senón tamén de comarcas limítrofes. Hai que destacar a importante participación das asociacións do concello. Despois desta edición para o ano próximo seguiremos traballando para facer neste evento máis e mellor”.
A alcaldesa engadiu que “un dos obxectivos desta iniciativa é dar a coñecer o entorno no Pazo de Tovar e quero recordar que está aberto ao longo do ano para quen queira ir visitalo. Valoro positivamente este tipo de actividades porque considero que son unha forma non só de dinamizar o Pazo de Tovar senón tamén toda a súa contorna e a dos pobos limítrofes de Lourenzá”.