A Asociación Cruz da Venta agradece ao Concello de Cervo a xestión para conseguir que Costas elimine a parte superior da vella cetárea

Cervo, 16 de xuño de 2015.- A Asociación de Veciños Cruz da Venta quixo dar as grazas ao Concello de Cervo pola súa xestión á hora de conseguir que o Servizo Provincial de Costas tome medidas para mellorar a seguridade e recuperar o entorno na zona da vella cetárea, na praia de Cubelas.

Nunha reunión promovida pola asociación, Costas comprometeuse a eliminar a parte superior da vella cetárea así como a pasarela, moi debilitada, deixando unicamente en pé a parte máis antiga desta construción, é dicir, a base de pedra.

Uns traballos dos que se encargará Costas e que foran demandados pola entidade veciñal. Á mencionada reunión, celebrada recentemente en Lugo, acudiron representantes da asociación, do Concello e de Costas.

O presidente de Cruz da Venta, José Luis Sariego destacou a “buena disposición de las dos administraciones para mejorar la zona, poniendo especial énfasis en la seguridad y la recuperación del entorno, y teniendo en cuenta que la vieja cetárea no está siendo explotada empresarialmente”.