A Copa Prebenxamín da Mariña marcha para Foz e Xove

Burela, 15 de xuño de 2015.- A Copa Prebenxamín da Mariña 2015 marchou para Foz e Xove. A AD Santiago de Foz, en Prebenxamín 1, e o ACD Xove, en Prebenxamín 2, proclamáronse campións da fase final, disputada este domingo entre os pavillóns Monte Castelo e Vista Alegre de Burela.

Xunto aos focegos, completaron a clasificación AD Praia de Covas como subcampión, ED Burela FS en terceira posición e ACD Xove en cuarta. En Prebenxamín 2, Maderas Barcia Lourenzá quedou na segunda praza, AD Santiago de Foz na terceira e a escola laranxa na cuarta.

Os equipos recibiron os trofeos de mans do alcalde de Burela, Alfredo Llano, e o concelleiro Ramiro Fernández, así como de presidente e vicepresidente de Imdecum, Marcelino Luna e Manuel Blanco.

PREBENXAMÍN 1

1. AD SANTIAGO DE FOZ
2. AD PRAIA DE COVAS
3. ED BURELA FS
4. ACD XOVE

PREBENXAMÍN 2

1. ACD XOVE
2. MAD. BARCIA-LOURENZÁ
3. AD SANTIAGO DE FOZ
4. ED BURELA FS