Primeira edición
Un total de 213 fotografías individuais de deportistas e técnicos, ademais dos 14 cadros, compoñen o coidado álbum do club mariñán, con impresión e deseño da empresa viguesa Sportcrom: categorías prebenxamín, benxamín, alevín, infantil, cadete, xuvenil, filial feminino e masculino, ademais de sénior feminino e masculino, cun prestixioso espazo reservado para os autógrafos dos equipos de Primeira División LNFS e RFEF. O Álbum das Estrelas Laranxas pechou a súa primeira edición con máis de 24.000 cromos vendidos.